A Escola de Arte e Superior de Deseño Mestre Mateo fai pública a listaxe definitiva de participantes nas VII Residencias Artísticas “Encontros de Mariñán” correspondentes ao curso 2025/2026.
Logo de analizar todas as candidaturas en base aos puntos da convocatoria, a comisión avaliadora publicou con data do 5 de maio de 2026 a resolución co baremo definitivo. Na valoración tivéronse en conta os aspectos formais, a calidade artístico-conceptual, a interdisciplinariedade, a media do expediente, a participación na vida académica e os premios.
O equipo que asistirá este curso ás residencias é o proxecto “Sete velas” , tras obter a maior puntuación total do baremo (6,97275 puntos). O equipo está conformado polas seguintes integrantes, todas elas da especialidade de CFGS Fotografía:
- Carla Duro Vidal.
- Claudia Barbeito Vilacoba.
- Leonor Vázquez Veira.
- Teresa Cebeiro Pozo.
As catro asistirán acompañadas polas docentes Rosa Figueroa e Mercedes Vega, en calidade de titoras e representantes da EASD Mestre Mateo.
A quenda de reservas queda conformada polos seguintes proxectos, por orde de puntuación:
- Reserva 1: “Por que as avelaíñas…” cunha puntuación de 6,97043.
- Reserva 2: “Lanada aquí…” cunha puntuación de 6,81015.
Pódese consultar o documento oficial completo co cadro de puntuacións detallado AQUÍ.
