A Escola de Arte e Superior de Deseño Mestre Mateo anuncia a apertura do prazo e o procedemento para a presentación de solicitudes de participación nas actividades de mobilidade do alumnado para estudos, dentro do marco do Programa Erasmus+ para o vindeiro curso 2026-2027.
Datos clave da convocatoria:
-
A quen vai dirixida: Ao alumnado de 3º curso matriculado no centro en calquera das especialidades do Grao en Ensinanzas Artísticas Superiores en Deseño (Deseño de Moda ou Deseño de Produto).
-
Requisitos académicos e lingüísticos: É necesario contar con 100 créditos ECTS superados no momento de realizar a solicitude. Ademais, requírese ter acreditado oficialmente un nivel B1 ou superior na lingua da institución de destino ou, no seu defecto, en inglés, antes do prazo límite de entrega.
-
Prazo de presentación: As solicitudes poderán entregarse ata o 23 de marzo de 2026.
-
Lugar e procedemento: A documentación, que inclúe o formulario de solicitude debidamente cumprimentado, debe presentarse na secretaría da escola, situada na entrada principal.
O expediente académico incorporarase de oficio na secretaría ao presentar a solicitude, polo que non é necesario achegalo. A listaxe completa de institucións coas que a escola ten acordos interinstitucionais, así como o resto de información adicional, está dispoñible na sección Internacional da páxina web.
Dúbidas e consultas:
- Vía web: https://easd.es/outgoing/
- Vía correo electrónico: erasmus@easd.es
- De xeito presencial na Oficina Internacional (2º andar). Horario: Luns, mércores e venres de 10 a 11h.; martes: de 19 a 20h.; e xoves: de 11.20 a 12.20h.
