O vindeiro martes 18 as 19:30h, o alumnado de 1º do C.S. de Fotografía inaugura a exposición “Significado-Significante”, un proxecto de ilustración fotográfica de termos escollidos do dicionario da Real Academia Galega.
Esta mostra é froito da colaboración establecida entre o Dpto. de Promoción das Ensinanzas da nosa escola e a Facultade de Filoloxía da USC, no marco do desenvolvemento de distintas sinerxias entre ambas institucións.
