O alumnado de 3º de moda realizou unha visita á empresa Ana Muñiz no polígono de Pazos, Padrón, durante a mañá do martes 12 de novembro.
O alumnado xunto con varias docentes viu en vivo todo o proceso de traballo de complementos desta empresa, que dende o ano 1983 traballa a confección en pel.
Alí puideron comprobar a calidade dos materiais e fornituras, a montaxe, cosido, maquinaria empregada, empaquetado e os estándares de calidade sobre varios modelos exclusivos dun importante cliente nacional e internacional.
A Escola agradece a Ana Muñiz a súa acollida e visita guiada.
