A EASD Mestre Mateo participa un ano máis nos Encontros de Mariñán, unha iniciativa da Real Academia Galega de Belas Artes e a Deputación da Coruña para o intercambio creativo entre o estudantado de artes de Galicia.
A temática
“Luz, espazo e instante” Buscamos propostas que exploren a linguaxe visual inspirada na obra de José Suárez. Reflexos, sombras e a captura do fugaz serán os eixes dos proxectos que convivirán no Pazo de Mariñán o vindeiro mes de xuño.
Datos clave da convocatoria
-
Prazas: 4 persoas estudantes (prioridade para grupos de 4) e 2 docentes titores.
-
Axudas: Ata 150 € por estudante para material funxible e desprazamento.
-
Datas da residencia: Do 15 ao 19 de xuño de 2026.
-
Prazo de entrega: Ata o 10 de abril de 2026.
Como participar?
As propostas deben enviarse de xeito conxunto a vicedireccion@easd.es. O envío debe incluír o dossier do proxecto, a identificación da titoría docente, a ficha de inscrición e o portfolio de cada integrante.
Podes descargar as bases completas, o dossier inspiracional e o Anexo I nas ligazóns inferiores.
Non deixes pasar a oportunidade de converter o Pazo de Mariñán no teu lenzo en branco!
