A Oficina Internacional da EASD Mestre Mateo convida a toda a comunidade educativa a participar na xornada informativa ‘Tea Time & Erasmus Info’, un encontro deseñado para resolver dúbidas e orientar o alumnado sobre a mobilidade internacional a través dos programas Erasmus+.
A cita terá lugar este venres, 6 de novembro, ás 11:00 h no Salón de Actos do centro.
Aproveitando a hora do descanso, a sesión desenvolverase nun ambiente distendido e relaxado, acompañado do tradicional té inglés con pastas. Nesta xornada abordaranse todos os detalles dos procedementos de solicitude, as contías das bolsas e as oportunidades de estadía no estranxeiro. Tamén lembraremos a novidade do reingreso de Gran Bretaña no programa Erasmus+, o que abre novas vías de intercambio para o alumnado.
Cando? Venres, 6 de novembro
A que hora? 11:00 h
Onde? Salón de Actos da EASD Mestre Mateo
Quen o organiza? Oficina Internacional da EASD Mestre Mateo
Preparade as vosas dúbidas e vinde compartir este espazo informativo connosco!
