A Oficina Internacional da EASD Mestre Mateo fai pública a convocatoria de axudas para a mobilidade de persoal docente no marco do programa Erasmus+ KA131 (proxecto 2026-1-ES01-KA131-HED-000420373), financiado polo Servicio Español para la Internacionalización de la Educación (SEPIE).
Esta convocatoria está dirixida ao profesorado de Graos e Ciclos Formativos de Grao Superior que imparta docencia no centro durante o curso 2026/2027.
📋 Obxecto e características das mobilidades
-
Prazas convocadas: Máis dun máximo de 2 axudas para a impartición de actividades docentes en institucións socias.
-
Duración: 5 días de actividade docente máis ata 2 días de viaxe.
-
Prazo de execución: As mobilidades acordaranse co centro de destino e deberán realizarse antes do 31 de xullo de 2027.
-
Destinos: Pódense solicitar prazas nas institucións socias de Italia, Alemaña, Bulgaria, Polonia, Francia e Portugal, así como propor novos convenios interinstitucionais con centros non socios (con especial interese en institucións que impartan estudos de xoiaría e complementos).
💶 Axuda económica
A asignación inclúe financiamento para apoio individual (manutención e estadía) e axuda de viaxe:
-
Apoio individual: Importe diario en función do custo de vida do país de destino (Grupo 1: 143 €/día; Grupo 2: 128 €/día; Grupo 3: 111 €/día). O cómputo de 7 días aplicará unicamente no caso de realizar unha Viaxe Verde (Green Travel).
-
Axuda de viaxe: Cantidade fixa calculada segundo a distancia en liña recta ao centro de destino mediante a ferramenta oficial da Comisión Europea.
👤 Requisitos das candidaturas
- Ser docente en activo na EASD Mestre Mateo durante o curso 2026/2027.
- Acreditar oficialmente como mínimo un nivel B2 en inglés ou na lingua do país de destino. (Excepcionalmente, de quedaren prazas vacantes, valoraranse candidaturas coa declaración responsable de capacidade lingüística – Anexo II).
📅 Prazos do proceso
-
Presentación de solicitudes: Ata o 29 de xaneiro de 2027.
-
Resolución provisional: 9 de febreiro de 2027.
-
Alegacións: Ata o 12 de febreiro de 2027 (ás 13:00 h).
-
Resolución e adxudicación definitiva: 16 de febreiro de 2027.
📑 Presentación de solicitudes
As persoas interesadas deberán entregar na Secretaría da Escola (en formato papel) a seguinte documentación debidamente cumprimentada e asinada:
- Impreso de solicitude (Anexo I).
- Declaración de capacidade do manexo do idioma, se procede (Anexo II).
- Certificacións oficiais de idiomas.
- Plan de traballo (Anexo III).
- Carta ou correo electrónico de aceptación por parte do centro ou institución de acollida.
📥 Descarga de documentos e bases completas
Podes consultar as bases completas da convocatoria e descargar os anexos correspondentes no seguinte enlace:
Para máis información ou consultas, podes contactar coa Oficina Internacional a través do correo electrónico: erasmus[@]easd.es
