Students Guide

• Presentación do centro. Próxima publicación
• Normas de organización e funcionamento de centro (N.O.F.)
• Normas de convivencia
• Organigrama
• Política de calidade
• Participación da comunidade educativa. Temos habilitado un buzón de suxestións na nosa web. Nel pódese deixar calquera proposta de mellora para ser valorada e incorporada (de ser o caso)
• Lexislación aplicable: Para os ciclos: consultar aquí. Para as Ensinanzas Superiores en Deseño, consultar aquí

• Calendario escolar. No calendario escolar pódense consultar tamén as datas de avaliación para cada curso e ensinanza. As cualificacións parciais e finais poderán ser consultadas polo alumnado o mesmo día das avaliacións, a través da Secretaría virtual, a partir das 14:30h.
  • Calendario escolar Ensinanzas Superiores
  • Calendario escolar Ensinanzas Profesionais
• Calendario acollemento Erasmus. Consulta aquí
• Horarios Erasmus. Consulta aquí

Procedemento de solicitude de software para os computadores.
O alumnado Erasmus que así o desexe poderá solicitar licenzas do software necesario para as clases enviando un correo electrónico coa solicitude a erasmus@easd.es
O alumnado recibirá un mail que lle dará acceso á descarga e uso do software de deseño dos seus estudos na dirección mail facilitada na súa matrícula. Este software é de uso persoal e intransferible, e deixará de funcionar no primeiro computador en que foi instalado no caso de detectarse a súa instalación noutro computador. No caso de que suceda isto é responsabilidade do alumnado implicado a compra do mesmo para poder continuar os seus estudos con normalidade. No caso de necesitar instalalo en dúas computadoras (unha portátil e unha de sobremesa) o alumnado terá que solicitalo. As licencias do software serán facilitadas sempre que o alumnado estea matriculado e teña unha asistencia regular no seu horario lectivo. A baixa nos estudos implicará a baixa na licenza do software.

• O alumnado que o desexe, enviará un mail coa información necesaria explicada no protocolo de solicitude á dirección: wifieasd@gmail.com, solicitando que se lle dé acceso. A solicitude soamente pode facerse para un dispositivo por alumna/o (computador portátil) co que se vaia traballar nas aulas.
• Os/as estudantes que xa tiñan permiso o pasado curso, deberán solicitalo de novo.

• Biblioteca
• Secretaría. Horario de atención ao público: de 10:00 a 13:00 horas, de luns a venres -excepto agosto (consultar horario de verán)
• Aula virtual. A Oficina Internacional dará de alta ao alumnado Erasmus unha vez iniciado o curso. Deberá consultar co profesorado que imparte cada materia a forma de acceso e o modo de emprego da aula virtual na súa materia.
• Fotocopiadoras. Na Conserxería situada no primeiro andar existe un servizo de fotocopiadora dispoñible para alumnado e profesorado do centro. O horario coincide co horario de apertura do centro.
• Cafetería. O centro dispón de 2 microondas, unha fonte, máquina de café e máquina de bebidas e outra máquina con diversos produtos no primeiro andar, así como varias mesas e cadeiras situadas nesa zona e que poden ser empregadas polo alumnado.
• Dirección, Vicedirección e Xefatura de Estudios. Os despachos do equipo directivo atópanse no 2º andar. Na porta pódense consultar os horarios de atención ao público de cada cargo.
• Departamentos das distintas Ensinanzas.
  • Departamento de Escultura: 1º andar (enfrente a Conserxería)
  • Departamento de Deseño de Produto. 2º andar (pegado as escaleiras metálicas)
  • Departamento de Xoiaría: no taller de Xoiaría situado no 2º andar ao final do corredor dos aseos.
  • Departamento de Deseño de Moda. 3º andar (pegado as escaleiras metálicas)
  • Departamento de Fotografía. 3º andar (enfrente aula 30)
  • Departamento de Interiores. 4ºandar (pegado as escaleiras metálicas)
• SEGUIMENTO DA ESTADÍA E ACCIÓN TITORIAL O alumnado que o desexe poderá solicitar á Oficina Internacional unha reunión para tratar os asuntos que lle resulten convenientes cara ao máximo aproveitamento do seu proceso de aprendizaxe (relativos á convivencia, asuntos privados, etc. que poidan afectar a iste proceso). Para facer isto, únicamente deberá solicitalo na Oficina Internacional dentro do horario de atención, a Oficina Internacional asignaralle unha hora para manter a entrevista. Do mesmo xeito, a Oficina Internacional poderá chamar a unha entrevista, nunha data e lugar concertado, a calquera estudante Erasmus, para tratar temas relativos á convivencia e proceso de aprendizaxe no centro.

No caso de escoitar a Alarma Acústica de Emerxencia, as normas para a evacuación do centro son as seguintes:

• Cada profesor/a evacúa unicamente a aula que lle é asignada na súa quenda de clase cara o Punto de Encontro (Praza de Irmán Gómez).
• Para a evacuación da aula, o alumnado colocarase nunha fila, que será encabezada polo profesor/a e rematada polo delegado/a (de forma que quede controlado todo o grupo). O profesor/a conta o alumnado presente.
• O profesor comproba que non queda ninguén dentro.
• Antes de sair o profesor asegúrase de que se pechan xanelas, portas e corte de suministro eléctrico (se existe, senón corte do interruptor de iluminación)
• O delegado/A marca que a aula foi evacuada e revisada
• A evacuación dirixirase cara ás vías de evacuación máis seguras (as sinalizadas nos planos de evacuación)
• Non se empregarán en ningún caso ascensores nin montacargas.
• As prioridades de evacuación entre as aulas serán as seguintes:
  • En cada andar terá prioridade de saida a aula máis próxima á saida exterior
  • Entre andares teñen prioridade de evacuación os andares máis baixos con respecto aos máis altos.