O vindeiro 29 de febreiro celebraremos o noso tradicional desfile Despunte na Cidade da Cultura. Ao igual que o curso pasado, convócase un casting público para seleccionar ás/aos modelos que lucirán ese día os looks das nosas deseñadoras e deseñadores.
Se queres participar, ou coñeces alguén que estea interesado/a:
Os únicos REQUISITOS para participar son:
1. Ser maior de idade.
2. Ter dispoñibilidade os días:
– 5 (mañá ou tarde) e 26 (tarde) de febreiro, para toma de medidas e probas de vestiario. Lugar: EASD Mestre Mateo (Santiago de Compostela)
– 29 de febreiro (todo o día). Lugar: Cidade da Cultura.
3. Ter unha estatura superior a:
Mulleres: preferentemente superior a 1,65 m.
Homes: preferentemente superior a 1,72 m.
4. Descargar o formulario: AQUÍ e envialo cumprimentado a despunte@easd.es do 15 ao 28 de xaneiro de 2024
5. Facilitaremos unha axuda de 40€ para gastos a cada participante (gastos de comida, transporte, etc.)
