Empresas

Son parte do currículo de Grao en Ensinanzas Artísticas Superiores de Deseño, o alumnado debe realizar entre 250 e 300 horas de prácticas en empresas (12 créditos ECTS)

Características:

• Seguro de accidente e responsabilidade civil subscrito pola Consellería de Educación
• Non existe relación laboral entre a empresa e o/a alumno/a
• Non se abonan retribucións pola empresa ao/á alumno/a
• Duración das prácticas entre 250 e 300 horas do/a alumno/a na empresa
• 8 horas como máximo de xornada laboral
• Datas e horario a acordar pola empresa e a EASD Mestre Mateo
• Selección pola empresa do alumnado dispoñible entre o preseleccionado pola Xefatura de Relacións con Empresas, Estudos ou Talleres

Requisitos:

• Ter tódolos créditos superados, coa excepción do Traballo Fin de Estudos.
• Excepcionalmente, con autorización do Xefe de Estudos, tamén se poderá solicitar a súa realización con un máximo de 18 créditos ETCTS pendentes (a marxe do TFE), presentando o modelo Expoño e Solicito debidamente cumprimentado.

Asignación de empresas:

• Empresas propostas polos estudantes:
  Ademais das empresas colaboradoras coa Escola nas prácticas, o alumno pode realizar prácticas noutras empresas, sempre que o comunique nos prazos previstos á Xefatura de Relacións con Empresas e previamente ás prácticas se asine un convenio adaptado ás condicións requiridas.
  Se o/a estudante ten contacto coa empresa e ten interese nesta opción, debe comunicarllo á coordinación das prácticas no correo empresas@easd.es, e facilitar a folla de datos de alumno e a folla de datos de empresa.
• Empresas propostas pola EASD:
  A EASD conta cunha bolsa de empresas colaboradoras, coas cales asinará un Convenio de Prácticas específico para cada alumno/a para a realización das prácticas.

Condicións das prácticas:

• Non teñen carácter laboral, nin son retribuídas.
• O alumnado está cuberto por un seguro de accidente e de responsabilidade civil, subscrito pola Consellería de Educación.
• Terán unha duración mínima de 250 horas (a duración máxima da disciplina son 300 horas, 12 créditos ECTS).

Procedemento:

• As titoras/os organizarán unha reunión informativa previa ao período de inicio de prácticas ó comezo de curso. Nesta reunión explicarase o procedemento a seguir e solucionaranse as dúbidas que poidan ter os dicentes.
• Ademais farase unha reunión previa o inicio de cada cuadrimestre. Nesta reunión xestionarase a que modalidade de prácticas se vai axustar cada alumno e asignaranse as empresas.
• Asumindo as necesidades das empresas da bolsa de colaboración e dos/as diferentes alumnos/as, a EASD xestionará os convenios de realización das prácticas. Unha vez confirmados polas diferentes empresas notificaráselle ao alumnado as datas de inicio e finalización das súas prácticas, para a súa incorporación inmediata.
• Ningún estudante pode comezar as prácticas sen ter asinado o Convenio por parte da Escola; de facelo a situación laboral sería irregular.
• Unha vez asinado o Convenio a/o estudante comprométese ao cumprimento do mesmo; a seguir as indicacións do seu titor/a de prácticas e do titor/a da empresa, e a elaborar a memoria de prácticas e entregala ao rematar as mesmas no prazo establecido.
• Ao rematar as prácticas cada alumno/a deberá entregar:
  • memoria das prácticas
  • folla de avaliación dos/as alumnos/as á empresa
  • folla de avaliación da empresa ós/ás alumnos/alumnas
• O rematar as prácticas os titores académicos deberán entregar:
  • folla de avaliación das prácticas do/a alumno/a

Documentación de interese prácticas curso 2024-25:

• Documento informativo inicial  – PE – Nota: Suspendidas hasta nuevo aviso las prácticas de carácter extracurricular.
• Calendario de prácticas curso 2024-2025 – PE – Última actualización: 20/09/2024.